大家好，我係Karen鄭嘉儀，係何傑敏敏族系，敏敏師母既門徒。
感恩能夠進入學房學習，回顧四年前來到611，當時好多關係也出現問題，特別係同老闆既關係。
一向也喜歡講理，認為講理就係正確，慢慢變得非常自我，成日分別善惡，亦覺得自己做事殷勤正直，肯為同事出頭，覺得自己做事比老闆有承擔。更因為帶住一班同事去挑戰老闆既決定，最終令自己同老闆既關係決裂。當進入學房，希望明白聖經真理更多，沒想到每堂課都在對我生命説話…更知道不服從權柄的是自招刑罰。
知道後…我十分懊悔，但關係已經決裂，好無奈亦不知道如何是好，現實情況亦好差，老闆不再重用我，吩咐我的同事直接匯報比佢，我就被孤立一樣，想辭職，但知道並不是神的心意。
有一次崇拜後，有位先知禱告隊的弟兄為我禱告，那位弟兄一開始禱告喊得比我還勵害，佢同我講:『妳現在就像跌了在一個柒黑的洞裡好孤單難過，但神伸了一條鐵練比妳，叫妳要慢慢爬上來，唔好放棄！』
因著神叫我唔好放棄，縱使返到辦公室感覺非常難受，唯有求神加我力量去面對。但情況並沒有向好的方向發展，幾個月後，公司要裁減業績不達標既同事，老闆在無先通知我的情形下，將我團隊裡面11位同事開除，他們並非業績最差的。當時我好憤怒，又想去理論一番。
當晚懷著憤憤不平的心情去開組，跟權柄講咗呢件事，權柄的回應是，叫我第二日去多謝老闆，並要多謝他這決定一定是有他的心意。一時更不能接受呢個指示。心中默默禱告求主加力，幾天後終於鼓起勇氣向老闆道謝，多謝安排並表示服從。老闆的反應十分錯愕，相信佢亦覺得我好奇怪所以反應不到。之後我跟教會權柄交代，當時大0組長Winnie姐好認真同我講，妳老闆有一日會主動同妳言和的，當時的我覺得絕對無可能。
時間一天天過，我亦繼續跟，努力做好自己，當有機會同老闆傾工作時，我亦會趁機會為咗我對他以往不禮貌不尊重的事件道歉，又承認之前的衝動及無知。起初老闆也無動於衷，慢慢佢睇到我真係有改變，我亦多D主動交代工作情況，當有意見就快快地聽慢慢地表達，不再爭論，以謙卑的態度去接受老闆的每一個決定。
係呢四年，我不斷被聖靈更新教導，對人對事多咗柔軟同彈性，更經歷工作上的蒙福。團隊人數由被炒咗11人時只剩十幾人，到現在團隊已差不多有50人，呢幾年既花紅，每年也以陪數增長，團隊的業績也不被社會經濟上的影響，有超自然的增長，現在我也成為老闆其中一位重用的幫手。與同事的關係亦得以重新建立。
奇妙的事情於大半年前出現，老闆竟主動跟我講返當年我同佢關係決裂的事，老闆話佢也有做得不夠完善的地方，過去的就忘掉吧，大家要展望將來。
神是真的，順服就有神蹟，願將一切榮耀頌讚歸給愛我們的阿爸天父。